Rivlerësimi i Pronave 2026

Çfarë është Rivlerësimi i Pronave?
Rivlerësimi i pronave është një instrument ligjor dhe fiskal që lejon pronarët e pasurive të
paluajtshme në Shqipëri të përditësojnë vlerën e regjistruar të pronës së tyre në Kadastër, duke e
afruar me vlerën aktuale të tregut.

Kur shisni një pronë, ju paguani tatim mbi diferencën midis çmimit të shitjes dhe vlerës së
regjistruar. Nëse vlera e regjistruar është e ulët (siç ndodh shpesh me pronat e vjetra), tatimi mund
të jetë i konsiderueshëm.

Me rivlerësimin, ju mund të përditësoni vlerën tani duke paguar vetëm 5% tatim, në vend të 15% që
do paguanit kur të shisnit pronën.

Si Funksionon Rivlerësimi?
Procesi i rivlerësimit është i thjeshtë dhe mund të kryhet në 4 hapa

1. Vlerësimi i Pronës
   Kontaktoni një ekspert vlerësues të licencuar që do të përcaktojë vlerën e tregut të pronës suaj.
2. Aplikimi Online
   Aplikoni nëpërmjet portalit e-Albania ose në sportelet e ASHK-së me dokumentat e nevojshme.
3. Pagesa e Tatimit
   Paguani tatimin prej 5% mbi diferencën e vlerës pas lëshimit të faturës.
4. Përditësimi në Kadastër
   Pas pagesës, kartela e pronës përditësohet me vlerën e re të tregut.

Dokumentat e Nevojshme
Sigurohuni që keni të gjitha dokumentat e mëposhtme përpara se të aplikoni

• Dokument Identifikimi
  Kopje e kartës së identitetit ose pasaportës

• Dokument Pronësie
  Kopje e certifikatës së pronësisë ose kartelës
• Akt Vlerësimi
  Akti origjinal i vlerësimit nga eksperti i licencuar
• Licenca e Vlerësuesit
  Fotokopje e licencës së ekspertit vlerësues

• Mandat Pagesë
  Mandat-pagesë e tarifës së shërbimit
• Prokurë (Opsionale)
  Nëse aplikoni në emër të dikujt tjetër